ავოკადოს სასარგებლო თვისებები

გარდა იმისა, რომ ავოკადო გემრიელი ხილია, მას ბევრი სასარგებლო თვისება აქვს და ზოგადად კარგია ადამიანის ჯანმრთელობისთვის.

მასში გვხვდება მრავალი საჭირო საკვები ნივთიერებები, უჯრედისი, ცხიმები და ანტიოქსიდანტები, რაც დადებით გავლენას ახდენს ორგანიზმზე.

რა სასარგებლო თვისებები აქვს ავოკადოს

ქვემოთ ჩამოთვლილია ავოკადოს რამდენიმე სასარგებლო თვისება, რაც საბოლოო ჯამში დადებითად მოქმედებს ჩვენს ორგანიზმზე და ჯანმრთელობაზე.

1. მდიდარია მკვებავი ნივთიერებებით

ავოკადო მდიდარია საკვები ნივთიერებებით და შეიცავს კალიუმს, C და E ვიტამინს, ფოლიუმის მჟავას. ასევე, ის საკმაოდ კალორიული ხილია და ცხიმის და ბოჭკოს კარგი წყაროა. შეგიძლიათ შეამოწმოთ კალორიების ცხრილი და გაიგოთ ავოკადოს კალორიულობა.

მასში შემავალი ნუტრიენტები ხელს უწყობენ წნევის რეგულირებას, იმუნურ ჯანმრთელობას და ნერვულ სისტემას ფუნქცია. ასე, რომ ავოკადოს ჩართვა თქვენს რაციონში, დადებითად იმოქმედებს ჯანმრთელობაზე.

2. შეიცავს ანტიოქსიდანტებს

ის ასევე მდიდარია ანტიოქსიდანტებით და ანთების საწინააღმდეგო ნაერთებით, როგორიცაა კაროტინოიდები და ფენოლური ნაერთები. ეს ბიოაქტიური ნივთიერებები უზრუნველყოფს მნიშვნელოვან დაცვას ოქსიდაციური დაზიანებისგან, რაც დაკავშირებულია ქრონიკულ დაავადებებთან.

კვლევებმა აჩვენა, რომ ავოკადოს შეუძლია გაზარდოს სისხლში ანტიოქსიდანტების დონე, როგორიცაა ლუტეინი, რომელიც ასოცირდება კოგნიტიურ ფუნქციასთან და გულის ჯანმრთელობასთან. ამიტომაც შეგიძლიათ მოამზადოთ ავოკადოს სალათა და მიიღოთ ეს ნივთიერებები.

3. სასარგებლოა ნაწლავებისთვის

ავოკადო არის ბოჭკოს შესანიშნავი წყარო და ერთი ცალი შეიცავს 14 გრამს, რაც დღიური რეკომენდებული ნორმის თითქმის ნახევარს შეადგენს. უჯრედისი ხელს უწყობს ნაწლავის ჯანმრთელობას საჭმლის მომნელებელ სისტემაში სასარგებლო ბაქტერიების გამრავლებით.

გარდა ამისა, ეს ხილი ხელს უწყობს ბაქტერიების არსებობას, რომლებიც წარმოქმნიან მოკლე ჯაჭვის ცხიმოვან მჟავებს, როგორიცაა ბუტირატი, რომელიც კვებავს მსხვილი ნაწლავის უჯრედებს და იცავს ნაწლავის ანთებითი დაავადებებისგან.

4. კარგია გულისთვის

ავოკადომ შეიძლება შეამციროს გულის დაავადების რისკი. ის მდიდარია მაგნიუმით, ჯანსაღი ცხიმებით, ბოჭკოებით და კალიუმით. ეს კი ხელს უწყობს გულ-სისხლძარღვთა ჯანმრთელობას ქოლესტერინის დონის გაუმჯობესებით და არტერიული წნევის რეგულირებით.

ამიტომაც, ამ ხილის მიღება დადებითად იმოქმედებს გულზე. შეგიძლიათ ის ჩართოთ სხვადასხვა სალათაში, კერძში ან მოამზადოთ მარტივი ავოკადოს ტოსტი.

5. კარგია მხედველობისთვის

ავოკადო სასარგებლოა მხედველობისთვის ლუტეინისა და ზეაქსანტინის მაღალი შემცველობის გამო. ანტიოქსიდანტები, რომელიც ბუნებრივად გვხვდება თვალის ქსოვილში. ეს ნაერთები იცავს თვალს დაზიანებისგან, მათ შორის მავნე ულტრაიისფერი გამოსხივებისგან.

გარდა ამისა, ავოკადოში შემავალი მონოუჯერი ცხიმები აძლიერებს ცხიმში ხსნადი ანტიოქსიდანტების შეწოვას, როგორიცაა ბეტა კაროტინი, რაც ხელს უწყობს თვალის ჯანმრთელობას.

შეჯამება

როგორც ხედავთ, ავოკადო საკმაოდ სასარგებლო ხილია და მისი ჩართვა საკვებში არა მარტო გემოებით გაამდიდრებს საჭმელს, არამედ, დადებით გავლენას მოახდენს ჯანმრთელობაზე.