სტაფილოს სასარგებლო თვისებები

ბავშვობაში ყველას გვსმენია, რომ სტაფილო მხედველობისთვის არის კარგი, რაც სიმართლეა, თუმცა, მას სხვა მრავალი დადებითი თვისება გააჩნია.

მასში არის მაღალი შემცველობის ბოჭკო და ძალიან კარგი საშუალებაა წონაში დასაკლებად. გარდა ამისა, სტაფილო ხელს უწყობს ქოლესტერინის შემცირებას, რაც გულისთვის არის კარგი.

რა სასარგებლო თვისებები აქვს სტაფილოს

სტატიაში განვიხილავთ სტაფილოს მთავარ და მნიშვნელოვან დადებით მხარეებს.

1. კარგია მხედველობისთვის

ერთ დიდ სტაფილოს შეუძლია 100%-ით უზრუნველყოს A ვიტამინის ყოველდღიური დოზა. ამ ვიტამინს შეუძლია შეამციროს კიბოს და წითელას რისკიც კი.

A ვიტამინის დეფიციტმა შეიძლება გამოიწვიოს მდგომარეობა, რომელსაც ეწოდება ქსეროფთალმია, რამაც შეიძლება დააზიანოს მხედველობა და გამოიწვიოს ღამის სიბრმავე. ასე, რომ აუცილებელიც კია სტაფილოს მიღება.

2. აბალანსებს სისხლში შაქრის შემცველობას

მიუხედავად იმისა, რომ სხვა ბოსტნეულთან შედარებით სტაფილო უფრო მეტ შაქარს შეიცავს, მას აქვს ანტიდიაბეტური თვისებები.

კვლევის მიხედვით ადამიანებს, რომლებსაც ჰქონდათ კაროტინოიდების დაბალი დონე – პიგმენტები, რომლებიც სტაფილოებს ნარინჯისფერ ფერს აძლევს – ჰქონდათ შაქრის მაღალი დონე. შესაბამისად, სტაფილო ძალიან კარგი ბოსტნეულია მათთვის, ვისაც დიაბეტი აქვს.

ასევე, უმი ან ოდნავ მოხარშული სტაფილო დაბალია გლიკემიური ინდექსით, რაც ენერგიის კარგი წყაროა.

3. შესანიშნავია წონის სამართავად

გარდა იმისა, რომ სტაფილო შეიცავს ბოჭკოს, ის შეიცავს დიდი ოდენობით წყალს – დაახლოებით 88%.

სხვა ბოსტნეულთან შედარებით, სტაფილო ასევე ასოცირდება სხეულის მასის დაბალ ინდექსთან და სიმსუქნის დაბალ მაჩვენებლებთან, 2021 წელს Nutrients-ში გამოქვეყნებული კვლევის მიხედვით.

სტაფილო დაბალკალორიულია და ერთი ჭიქა დაჭრილი სტაფილო შეიცავს მხოლოდ 52 კალორიას.

4. სტაფილო ხელს უწყობს არტერიული წნევის რეგულირებას

სტაფილოში შემავალი კალიუმი მნიშვნელოვან როლს ასრულებს არტერიული წნევის რეგულირებაში. ეს მინერალი აბალანსებს ნატრიუმის დონეს და ეხმარება ჭარბი ნატრიუმის და სითხის გამოდევნას ორგანიზმიდან, რაც ამცირებს წნევას გულზე.

ამერიკული გულის ასოციაციის ჟურნალში გამოქვეყნებული 2020 წლის კვლევამ დაადგინა, რომ სტაფილოს, რამდენიმე სხვა ხილსა და ბოსტნეულს შორის, აქვს ყველაზე დიდი სარგებელი გულ-სისხლძარღვთა ჯანმრთელობაზე.

5. კარგია იმუნიტეტისთვის

სტაფილო შეიცავს ორ მთავარ ვიტამინს – A და C, რომლებიც სასარგებლოა იმუნური სისტემისთვის. სტაფილოში შემავალი C ვიტამინი ხელს უწყობს თქვენი იმუნური სისტემის ჯანმრთელობას.

გარდა იმისა, რომ A ვიტამინი კარგია იმუნურ სისტემისთვის, ის მნიშვნელოვან როლს ასრულებს ლორწოვანი გარსების ფორმირებასა და დაცვაში. ლორწოვანი გარსები მოქმედებენ როგორც ბარიერები მიკრობების ორგანიზმიდან გამოსვლისთვის. ისინი ქმნიან სასუნთქი, საჭმლის მომნელებელი და უროგენიტალური ტრაქტის გარსს.

6. ამცირებს კიბოს რისკს

სტაფილო შეიცავს ანტიოქსიდანტებს, რომლებიც დადასტურებულია, რომ ებრძვიან ორგანიზმში არსებულ მავნე თავისუფალ რადიკალებს. თავისუფალი რადიკალები აზიანებენ უჯრედებს, რამაც შესაძლოა ხელი შეუწყოს კიბოს განვითარებას.

სტაფილოში შემავალი ანტიოქსიდანტების ორი ძირითადი ტიპია კაროტინოიდები და ანთოციანინები. კაროტინოიდებს, რომელიც სტაფილოს აძლევს ნარინჯისფერ შეფერილობას, შეუძლიათ კიბოს წინააღმდეგ ბრძოლა.

შეჯამება

სტაფილო, მისი მრავალმხრივი სასარგებლო თვისებებით, ნამდვილად იმსახურებს ადგილს თქვენს ყოველდღიურ რაციონში. მისი უპირატესობები სცდება მხოლოდ მხედველობის გაუმჯობესებას და მისი დადებითი თვისებები მოიცავს წონის რეგულირებას, ქოლესტერინის დონის შემცირებას, სისხლში შაქრის ბალანსის დარეგულირებას და სხვა.