რიზოტოს რეცეპტი
კლასიკური რიზოტოს რეცეპტი, იტალიური კერძი რომელიც მზადდება მოხარშული ბრინჯის და ქათმის ბულიონისგან და არის ძალიან გემრიელი.
მომზადების წესი
ქათმის ბულიონი მიიყვანეთ ადუღებამდე და შეამცირეთ სითბო ყველაზე დაბალ ტემპერატურაზე.
მეორე ქვაბში მოათავსეთ 2 ს/კ კარაქი, ზეთი, დაჭრილი ხახვი, მარილი და მოხრაკეთ დაბალ ცეცხლზე, 5-6 წუთის განმავლობაში. დაამატეთ ნიორი და მოურიეთ 30 წამი.
ჩაამატეთ ბრინჯი, მოუმატეთ ცეცხლს და მუდმივად ურიეთ 2-3 წუთის განმავლობაში, სანამ ბრინჯი არ გახდება გამჭვირვალე. ჩაასხით ღვინო და განაგრძეთ მორევა 2 წუთით.
დაუმატეთ ერთი ჩამჩა ქათმის ბულიონი და განაგრძეთ მორევა, სანამ კარგად არ შეიწოვება. განაგრძეთ თითო-თითო ჩამჩა ბულიონის დამატება, რათა სითხე მთლიანად შეიწოვოს ბრინჯმა.
მას შემდეგ, რაც ბრინჯი სასურველ კონსისტენციას მიიღებს, დაამატეთ 2 ს/კ კარაქი და ახლად გახეხილი პარმეზანი. გემოვნებით მოაყარეთ მარილი და პილპილი. რიზოტო შეგიძლიათ მორთოთ წიწაკით და ოხრახუშით.
- 4 ს/კ უმარილო კარაქი
- 1 ს/კ ზეითუნის ზეთი
- 1/2 ხახვი
- 2 კბილი ნიორი
- 1/2 ჩ/კ ზღვის მარილი
- 1.6 ლ ქათმის ბულიონი
- 400 გრ ბრინჯი არბორიო
- 240 მლ მშრალი თეთრი ღვინო
- 50 გრ პარმეზანი
- შავი პილპილი
- 1 ს/კ ოხრახუში
