ქოლესტერინი არის ცხიმოვანი ნივთიერება, რომელიც წარმოიქმნება ღვიძლში და ლიპოპროტეინების მეშვეობით სისხლში გადადის.
ჩვენი ორგანიზმი თავისთავად გამოიმუშავებს საკმარის ქოლესტერინს სისხლში. თუმცა, მრავალ ადამიანს აქვს მისი მაღალი დონე. ეს კი ხელს უწყობს ისეთი გულის დაავადებების რისკს, როგორიცაა ინსულტი.
საბედნიეროდ არსებობს საკვები, რომელიც ქოლესტერინის დონის დაწევაში დაგეხმარებათ.
რომელი საკვებია ქოლესტერინის დამწევი
ამ სტატიაში ჩამოთვლილია ქოლესტერინის დამწევი საკვების სია და სასურველია მათი დამატება თქვენი კვების რაციონში.
1. ავოკადო
ავოკადო არის მონოუჯერი ცხიმების და ბოჭკოვანი საკვები, რაც ეხმარება LDL ქოლესტერინის დონის დაწევასა და HDL ქოლესტერინის ამაღლებას. კვლევებმა აჩვენა, რომ იმ ადამიანებს, ვინც ყოველდღიურად მიირთმევდნენ ერთ ავოკადოს, დაქვეითებული ჰქონდათ LDL დონე.
ავოკადო ხელს უწყობს გულ-სისხლძარღვთა სისტემის ჯანმრთელობას. კვირაში ორი ავოკადოს მიღება ამცირებს გულის დაავადებების რისკს. ის შეგიძლიათ გამოიყენოთ სალათებში ან მიირთვათ პურზე გადასმული.
2. თხილეული
თხილეული, როგორიცაა ნიგოზი, ნუში, არაქისი და ფსტა, ეხმარება LDL ქოლესტერინის, ტრიგლიცერიდებისა და მთლიანი ქოლესტერინის დონის დაწევას. ნიგოზი ომეგა 3-ის ცხიმოვანი მჟავების მდიდარი წყაროა, რომლებიც კავშირშია გულ-სისხლძარღვთა სისტემის ჯანმრთელობის გაუმჯობესებასთან, LDL ქოლესტერინის დონის დაქვეითებასა და ანთებითი პროცესების შემცირებასთან.
ანალოგიურად, ნუში არის ფიტოსტეროლების ბუნებრივი წყარო, რომელიც დაგეხმარებათ LDL ქოლესტერინის დონის დაწევაში. ზოგადად თხილეული კალორიულია, ამიტომ მათი მცირე რაოდენობით მიღებაც საკმარისია.
3. შავი შოკოლადი
შეიძლება გაგიკვირდეთ, მაგრამ შავი შოკოლადი არის ქოლესტერინის დამწევი საკვები. კაკაოსთან ერთად, მას შეუძლია LDL ქოლესტერინის დონის შემცირება. კვლევაში მონაწილე ადამიანებს, რომლებიც დღეში ორჯერ სვამდნენ კაკაოს ერთი თვის განმავლობაში, დაეწიათ სისხლის წნევა და გაეზარდათ HDL ქოლესტერინის დონე.
შავ შოკოლადში არსებული ნივთიერებები, როგორიცაა პოლიფენოლები და რესვერატროლი, შესაძლოა დაეხმაროს ქოლესტერინის დაბალანსებას. თუმცა, გასათვალისწინებელია, რომ შოკოლადში ხშირად დიდი რაოდენობით არის დამატებული შაქარი, რაც უარყოფითად მოქმედებს გულ-სისხლძარღვთა სისტემაზე. ამიტომ, ეცადეთ მიიღოთ შავი შოკოლადი რომელშიც კაკაოს შემცველობაა 75%-ზე მეტია.
4. ნიორი
მიუხედავად იმისა, რომ ხშირად აზრი ორად იყოფა, კვლევები ადასტურებს ნივრის დადებით გავლენას ქოლესტერინის დონეზე. ნიორში არსებული ნივთიერება ალიცინი, სასარგებლოა ჯანმრთელობისთვის, მათ შორის LDL ქოლესტერინისთვისაც.
ალიცინის რაოდენობა დამოკიდებულია ნივრის მომზადების წესზე. სხვადასხვა სახის ნივრის პროდუქტები სხვადასხვა დონით ამცირებს ქოლესტერინს. ნიორს შეუძლია LDL და მთლიანი ქოლესტერინის დონის დაქვეითება, თუმცა ამისთვის საჭიროა მისი დიდი რაოდენობით მიღება.
5. ზეითუნის ზეთი
ზეითუნის ზეთი ძალიან სასარგებლოა გულისთვის. კვლევები აჩვენებს, რომ მას შეუძლია HDL ქოლესტერინის დონის გაზრდა, თუმცა დიდი გავლენა არ აქვს LDL და საერთო ქოლესტერინის დონეზე. დღიურად 20 გრამი ზეითუნის ზეთის მიღება ეხმარება HDL-ის დაბალანსებას.
ასევე, ზეითუნის ზეთი შეიძლება გამოიყენოთ სხვა ცხიმების ნაცვლად. გამოიყენეთ ხილისა და ბოსტნეულის შესაწვავად, საკვების დასამარინადებლად ან სალათებში. დამატებით, შეგიძლიათ გამოიყენოთ ხორცთანაც. ზოგადად, ზეითუნის ზეთი ამცირებს გულის შეტევის რისკსაც.
შეჯამება
ქოლესტერინის დამწევი საკვები არის შესანიშნავი გზა მათთვის, ვისაც სჭირდება ქოლესტერინის დონის დაბალანსება. სტატიაში ჩამოთვლილი საკვები შეიცავს მონოუჯერ ცხიმებს, ბოჭკოვან ნივთიერებებს, ომეგა-3 ცხიმოვანი მჟავებს და სხვა. ეს კი ძალიან კარგია ზოგადად გულ-სისხლძარღვთა სისტემისთვის და ქოლესტერინისთვის.
