კივის სასარგებლო თვისებები

კივი არის ძალიან გემრიელი და უნიკალური ხილი, რომელსაც სხვადასხვა სასარგებლო და დადებითი თვისებები გააჩნია.

სხვადასხვა კვლევები ადასტურებს, რომ ამ ხილს შეუძლია დადებითი გავლენა იქონიოს ადამიანის ჯანმრთელობაზე და დაგვეხმაროს სხვადასხვა პრობლემების მოგვარებაში.

რა სასარგებლო თვისებები აქვს კივის

თუ გსურთ გაიგოთ უფრო მეტი ამ ხილის და მისი სარგებლის შესახებ, ქვემოთ განხილულია კივის სასარგებლო თვისებები

1. მცენარეული ნაერთების წყარო

სხვა ნივთიერებებთან ერთად, კივი შეიცავს მცენარეულ ნაერთებს, კაროტინოიდებს, მათ შორის ლუტეინი, ზეაქსანტინი და ბეტა კაროტინი. ეს საკვები ნივთიერებები დაკავშირებულია ისეთი რისკების შემცირებასთან, როგორიცაა გულის დაავადებები, კიბო და საერთო სიკვდილიანობა.

გარდა ამისა, კივის სასარგებლო თვისებაა კოფეინის და ქლოროგენის მჟავის შემცველობა, რაც ხელს უწყობს ანთების შემცირებას, განსაკუთრებით ნაწლავებში. კვლევებმა აჩვენა, რომ კივის აქვს ანტიოქსიდანტების უფრო მაღალი დონე, ვიდრე მაგალითად ვაშლს, გრეიპფრუტს და მსხალს.

2. გულის ჯანმრთელობა

კივის აქვს პოტენციალი გულის დაავადების ძირითადი რისკ-ფაქტორების, განსაკუთრებით მაღალი არტერიული წნევის შესამცირებლად. 118 ადამიანზე ჩატარებულმა მნიშვნელოვანმა კვლევამ აჩვენა, რომ 8 კვირის განმავლობაში ყოველდღიურად სამი კივის მოხმარება იწვევს არტერიული წნევის შემცირებას.

ასევე, კივი ქოლესტერინის დამწევი საკვებია – ამცირებს ტრიგლიცერიდებს და ზრდის HDL ქოლესტერინის. განსაკუთრებით აღსანიშნავია კივის უნარი, თავიდან აიცილოს თრომბოციტების დაგროვება და შეამციროს ათეროსკლეროზის რისკი, განსაკუთრებით მწეველებში, ვისაც სისხლძარღვებში ნადების დაგროვების მაღალი რისკი აქვთ.

3. საჭმლის მონელება

კივი არის ბოჭკოვანი საკვები, რაც მისი კიდევ ერთი სასარგებლო თვისებაა. 1/3 ხსნადი, ხოლო 2/3 არახსნადი ბოჭკოა, რაც ამ ხილს ეფექტურს ხდის საჭმლის მომნელებელი სისტემისთვის. ხსნადი ბოჭკო კარგია ნაწლავის ჯანსაღი ბაქტერიებისთვის და არახსნადი ტიპი ხელს უწყობს ნაწლავის რეგულარულ მოძრაობას.

79 ადამიანზე ჩატარებულ კვლევამ, სადაც ოთხი კვირის განმავლობაში ყოველდღიურად ორი კივის მოხმარება ხდებოდა, გაუმჯობესდა ფეკალური მასის კონსისტენცია და სიხშირე. ასევე, კივის მიღებამ გამოიწვია ნაკლები გვერდითი მოვლენები, რაც მას შესანიშნავ ბუნებრივ სამკურნალო საშუალებად აქცევს.

4. შეიცავს C ვიტამინს

კივი არის C ვიტამინის ბუნებრივი წყარო, რომელიც უჯრედებს დაზიანებისგან იცავს. C ვიტამინის დაბალი დონე მქონე ადამიანებზე ჩატარებულმა კვლევებმა აჩვენა, რომ დღეში ერთი კივის ჭამა 6 კვირის განმავლობაში საკმარისია ამ ვიტამინის ჯანსაღი დონის მისაღწევად.

კივიში შემავალი C ვიტამინი სასიცოცხლო როლს ასრულებს იმუნურ ფუნქციაში, განსაკუთრებით ნეიტროფილებზე, სპეციალიზებულ თეთრ უჯრედებზე, რომლებიც ებრძვიან ინფექციას. გამომდინარე აქედან, კივის რეგულარული მოხმარება ეფექტური გზაა იმუნური სისტემის გასაძლიერებლად.

შეჯამება

როგორც ამ სტატიიდან ჩანს, კივის სასარგებლო თვისებები მრავალმხრივია. ის არა მარტო გემრიელია, არამედ მდიდარია სასარგებლო ნივთიერებებით და მნიშვნელოვნად შეუძლია ჯანმრთელობის გაუმჯობესება.