კომშის სასარგებლო თვისებები

კომში საუკუნეების განმავლობაში გამოიყენებოდა ხალხურ მედიცინაში და პოპულარობით სარგებლობდა ძველ საბერძნეთში და რომის იმპერიაში.

ბოლო წლებში ჩატარებულმა სხვადასხვა კვლევამ აჩვენა, რომ კომშს აქვს მრავალი დადებითი თვისება ადამიანის ჯანმრთელობისთვის.

რა სასარგებლო თვისებები აქვს კომშს

სტატიაში ვისაუბრებთ კომშის რამდენიმე გამორჩეულ უპირატესობაზე.

1. კომში მდიდარია ანტიოქსიდანტებით

კომშის ნაყოფი მდიდარია ანტიოქსიდანტებით, რომლებიც არის ძლიერი ნაერთებია და ხელს უწყობს თავის დაცვას სხვადასხვა ქრონიკული დაავადებებისგან.

ეს ხილი მდიდარია არა მხოლოდ C ვიტამინით, წყალში ხსნადი ვიტამინით ანტიოქსიდანტური თვისებებით, არამედ ის ასევე არის სხვა ანტიოქსიდანტების კარგი წყარო.

2. გამოიყენება ყაბზობის სამკურნალოდ

ტრადიციულ მედიცინაში კომშის თესლს ხშირად იყენებდნენ ყაბზობისთვის და დიარეისთვის. სხვადასხვა კვლევამ დაადასტურა მისი სამკურნალო თვისებები და ამ ხილს შეუძლია შეამსუბუქოს ყაბზობა და ხელი შეუწყოს საჭმლის მონელების დარეგულირებას.

ცხოველზე ჩატარებულმა ტესტმა აჩვენა, რომ კომში ხელს უწყობს საჭმლის მომნელებელი ტრაქტის მოძრაობის გაზრდას და ასევე კუნთების მოდუნებას. ის ასევე მდიდარია ბოჭკოებით, რაც ხელს უწყობს ფეკალური მასის მოცულობის გაზრდას ყაბზობის სამკურნალოდ.

3. კომში ებრძვის ბაქტერიას

რამდენიმე კვლევამ აჩვენა, რომ კომში ხელს უწყობს ორგანიზმში მავნე ბაქტერიების ზრდის ბლოკირებას. მაგალითად, Helicobacter pylori-ის ზრდას, ბაქტერიის შტამს, რომელსაც შეუძლია კუჭის ლორწოვან გარსში წყლულების განვითარება.

ასევე, მის ექსტრაქტს შეუძლია ორგანიზმის დაცვა ისეთი ბაქტერიების შტამისგან, როგორიცაა Escherichia coli, Klebsiella pneumonia, S. aureus და Enterobacters aerogenes. ეს არის პათოგენური ტიპის ბაქტერიები, რომლებსაც შეუძლიათ ინფექციის გამოწვევა.

4. ხელს უწყობს ჭრილობის შეხორცებას

ისტორიულად, კომშის თესლსა და ფოთლებს იყენებდნენ ჭრილობების შეხორცებისთვის. ზოგადად, კომშის ფოთოლს სამკურნალო თვისებები გააჩნია, რაც თანამედროვე კვლევებითაც მტკიცდება.

გარდა იმისა, რომ კომში გამოიყენება ჭრილობების შესახორცებლად, მისი თესლი კარგია ტრავმის შემდეგ ახალი ქსოვილის ზრდის სტიმულირებისთვის. კომშის თესლის ექსტრაქტის მალამოს ადგილობრივად გამოყენება ეფექტური გამოდგა თაგვებში მეორე ხარისხის დამწვრობის ჭრილობების სამკურნალოდაც.

5. ამცირებს ორსულობისას გამოწვეულ გულისრევას

ორსულობის ადრეულ პერიოდში ყველაზე გავრცელებული სიმპტომია გულისრევა და ღებინება. კვლევების მიხედვით, კი კომშს შეუძლია ამ სიმპტომების შემსუბუქება.

76 ორსულ ქალზე ჩატარებულმა კვლევამ დაადგინა, რომ 1 სუფრის კოვზი კომშის სიროფი გაცილებით ეფექტურია ვიდრე 20 მლ ვიტამინი B6 ორსულობის შედეგად გამოწვეული გულისრევის შესამცირებლად.

6. ებრძვის გასტროეზოფაგურ რეფლექსურ დაავადებას

გასტროეზოფაგური რეფლექსური დაავადება (GERD) არის მდგომარეობა, რომელიც ვითარდება, როდესაც კუჭის მჟავა მიედინება უკან საყლაპავში, რაც იწვევს სიმპტომებს, როგორიცაა გულძმარვა და გულისრევა.

კვლევებზე დაყრდნობით, კომშს შეუძლია დაგვეხმაროს GERD-ის მკურნალობაში. მისი მიღება შეიძლება როგორც ცოცხლად, ასევე, სიროფის სახით.

შეჯამება

საუკუნეების განმავლობაში ხალხურ მედიცინაში გამოყენებული კომში დღეს მეცნიერულად დადასტურებული სასარგებლო თვისებების მქონე ხილია. ის ძალიან სასარგებლოა ჯანმრთელობისთვის და გეხმარებათ საჭმლის მონელების გაუმჯობესებაში, გააჩნია ანტიბაქტერიული მოქმედება, მდიდარია ანტიოქსიდანტებით და სხვა.