ეკლერის რეცეპტი

თასში აურიეთ შაქარი, კვერცხის გული და ვანილი, თანდათან ამატეთ ფქვილი, რომ მიიღოთ გლუვი მასა. დაამატეთ ცხელი რძე და კარგად მოურიეთ. მიღებული მასა დადგით მაღალ ცეცხლზე 5 წუთის განმავლობაში, სანამ არ გასქელდება.

ღუმელი გააცხელეთ 200-220 გრადუსზე. აადუღეთ რძის, კარაქის და წყლის ნაზავი, დაამატეთ ფქვილი, შაქარი და მარილი და ათქვიფეთ გლუვი ცომის მისაღებად. გააგრილეთ, დაამატეთ კვერცხი და კიდევ მოურიეთ.

ჩაასხით მიქსტურა საკონდიტრო ტომარაში და ეკლერის ფორმები დაასხით გაცხელებულ საცხობ ფირფიტაზე, ერთმანეთის დაშორებით. ფირფიტები მოათავსეთ ღუმელის ზედა უჯრაზე და გამოაცხვეთ 25 წუთის განმავლობაში, 180-200 გრადუსზე.

ამის შემდეგ, თითოეულ ფუნთუშას ბოლოში გაუკეთეთ ხვრელი, ამოაბრუნეთ და შეაბრუნეთ ღუმელში 5 წუთის განმავლობაში. გააგრილეთ, კრემი კიდევ ერთხელ აურიეთ რომ გახდეს სქელი, და საკონდიტრო ტომრის დახმარებით ამოავსეთ ფუნთუშები კრემით.

გაადნეთ 100 გრ შოკოლადი და 25 გრ კარაქი ცეცხლგამძლე თასში, გადმოდგით ცეცხლიდან და შეურიეთ 75 მლ ორმაგი ნაღები და 1 ს/კ შაქარი. ოდნავ გაგრილების შემდეგ მოასხით ეკლერის ფუნთუშებს. გააციეთ და მიირთვით.