ერთი შეხედვით, ბრინჯის მოხარშვა საკმაოდ მარტივი საქმეა. თუმცა, არსებობს რამდენიმე გზა, რომლის დახმარებითაც მიიღებთ უკეთეს შედეგს, ვიდრე სტანდარტული მეთოდით.
ბრინჯისგან მრავალი კერძის მომზადება შეიძლება და სწორად მოხარშული ბრინჯი, კიდევ უფრო გემრიელს გახდის თქვენს კერძს.
ბრინჯის მოხარშვის მეთოდები
ამ სტატიაში წაიკითხავთ თუ როგორ მოვხარშოთ თეთრი და ყავისფერი ბრინჯი და დამატებით, როგორ შეიძლება მისი მოხარშვა მიკროტალღური ღუმელის გამოყენებით.
1. ბრინჯის მოხარშვა ცეცხლზე
პირველ რიგში, დაიწყეთ ბრინჯის გარეცხვით, გამდინარე წყალში და თან ხელით მოურიეთ. შემდეგ, ქვაბში ჩაასხით ერთ-ნახევარი ჭიქა წყალი, ნახევარი ჩაის კოვზი მარილი და აადუღეთ.
ჩაყარეთ ბრინჯი და მიიყვანეთ ადუღებამდე. ამის შემდეგ, დააფარეთ თავსახური, დაუწიეთ ცეცხლს და ადუღეთ დაახლოებით 15 წუთის განმავლობაში. ბრინჯის მარცვლები უნდა გახდეს რბილი, მაგრამ არა ფლავის მაგვარი.
ამის შემდეგ გადმოდგით ქვაბი ცეცხლიდან, მოხადეთ თავსახური და დააფარეთ სამზარეულოს ხელსახოცი და შემდეგ დააფარეთ თავსახური, ან დალუქეთ სამზარეულოს პირსახოცით.
გააჩერეთ ამ მდგომარეობაში 10 წუთის განმავლობაში და შედეგად მიიღებთ რბილ და ფაფუკ ბრინჯს. შეგიძლიათ მოამზადოთ ნებისმიერი კერძი, ბრინჯის სალათა და სხვა.
2. ბრინჯის მოხარშვა მიკროტალღურ ღუმელში
რაც შეეხება ბრინჯის მიკროტალღურში მოხარშვის ტექნიკას, ის გამოდგება ყველა ტიპის ბრინჯისთვის და საკმაოდ მარტივი პროცესია.
რა თქმა უნდა, ჯერ გარეცხეთ ბრინჯი. შემდეგ, ცეცხლგამძლე კონტეინერში მოათავსეთ 2 ჭიქა ბრინჯი და 3.5 ჭიქა წყალი. გაითვალისწინეთ, რომ ბრინჯი გაფართოვდება, ამიტომ შეარჩიეთ სწორი კონტეინერი.
შედგით მიკროტალღურში, არ დააფაროთ თავსახური და მაღალ ტემპერატურაზე გააჩერეთ 10-15 წუთით. ამის შემდეგ, დააფარეთ თავსახური კონტეინერს და საშუალო ან დაბალ სითბოზე განაგრძეთ ხარშვა, სანამ წყალი მთლიანად არ დაშრება.
ამის შემდეგ ბრინჯი მოხარშულია და შეგიძლიათ დაიწყოთ კერძის მომზადება სასურველი საჭმლის რეცეპტის გამოყენებით.
ბრინჯის გარეცხვა, მოხალვა და შენახვა
არ აქვს მნიშვნელობა როგორ ამზადებთ ბრინჯს, მნიშვნელოვანია მისი გარეცხვა. ამით მას სცილდება ზედმეტი სახამებელი, რის შედეგადაც ბრინჯი იქნება ფაფუკი და არ ექნება რეზინის მაგვარი ტექსტურა.
ბრინჯი შეგიძლიათ გარეცხოთ ქვაბში და რამდენჯერმე გამოცვალოთ წყალი, მაგრამ ყველაზე მარტივია გამდინარე წყალში, ხელით გარეცხვა.
რაც შეეხება ბრინჯის მოხალვას, ეს არ არის აუცილებელი. თუმცა, თუ დრო გაქვთ, ეს გააძლიერებს ბრინჯის ბუნებრივ არომატს. ამისათვის გააცხელეთ ერთი ჩაის კოვზი კარაქი ან ზეითუნის ზეთი საშუალო ცეცხლზე, და მოხალეთ რამდენიმე წუთის განმავლობაში, თან მოურიეთ.
ზოგადად, ბრინჯი საუკეთესოა ახლად მოხარშული, მაგრამ თუ გსურთ შენახვა, შეგიძლიათ მოათავსოთ მაცივარში 5 დღემდე, ჰერმეტულ კონტეინერში. ამ შემთხვევაში ბრინჯი გამოშრება, ამიტომ, მიკროტალღურ ღუმელში გაცხელებამდე დაასხით ცოტაოდენი წყალი.
შეჯამება
როგორც ხედავთ, ბრინჯის მოხარშვა არც თუ ისე რთულია. აუცილებელია მისი გარეცხვა და მეტი არომატისთვის, მოხალვა. მისი შენახვა კი მაცივარში შეგიძლიათ, თუმცა, უკეთესია მიირთვათ ახლად მოხარშული.
