ხარჩოს რეცეპტი

სანამ ხარჩოს მომზადებას დაიწყებთ, ნიგოზი გაატარეთ ხორცსაკეპ მანქანაში, ორჯერ. ხახვი დაჭერით წვრილად, პომიდორი დამდუღრეთ, მოაცალეთ კანი, თესლი და ათქვიფეთ ბლენდერით.

ხორცი დაჭერით სასურველი ზომის ნაჭრებად, მოათავსეთ ქვაბში ცოტა წყალთან ერთად და მოშუშეთ. დაუმატეთ კარაქი, ხახვი და განაგრძეთ მომზადება 20-25 წუთით. ბოლოს დაუმატეთ პომიდორი.

ამის შემდეგ, დაამატეთ მცირე რაოდენობით მდუღარე წყალი და განაგრძეთ ნელ ცეცხლზე. ამასობაში, გატარებულ ნიგოზს შეურიეთ სუნელები, წიწაკა, მარილი, ფქვილი, წყალი და აურიეთ.

ეს ნიგვზიანი მასა ათქვიფეთ ბლენდერში და მოხარშულ ხორცს დაუმატეთ ქვაბში. წამოდუღების შემდეგ, დაუმატეთ წიწაკა, ნიორი, მარილი და ისევ წამოადუღეთ.

ხარჩო მირთმევამდე შეგიძლიათ მორთოთ ცოცხალი მწვანილით, ბროწეულით და სხვა სასურველი ინგრედიენტით.