გერკულესის დიეტა ბოლო წლებში საკმაოდ პოპულარული გახდა, როგორც წონაში დაკლების სწრაფი და ერთი შეხედვით, მარტივი მეთოდი.
ამ დიეტამ, რომელიც გულისხმობს შვრიის მიღებას უმეტესი ან ყველა კვების დროს, ყურადღება მიიპყრო სწრაფი შედეგების გამო.
თუმცა, როგორც ბევრი მოდური დიეტის შემთხვევაში, აუცილებელია მისი შესწავლა, რათა გაიგოთ პოტენციური სარგებელი, რისკები და საერთო ეფექტურობა.
რა არის გერკულესის დიეტა
გერკულესის, იგივე შვრიის დიეტა არის შეზღუდული კვების გეგმა, როდესაც შვრია არის საკვების მთავარი წყარო. არსებობს მისი სხვადასხვა ვარიაცია, თუმცა ყველაზე პოპულარული ვარიანტი იყოფა ფაზებად.
საწყის ფაზაში, რომელიც, როგორც წესი, დაახლოებით ერთი კვირა გრძელდება, სამივე კვების დროს ხდება შვრიის ფაფას მიღება. ზოგჯერ მცირე რაოდენობის ხილთან ერთად.
მეორე ფაზა ხშირად უფრო მრავალფეროვანია და შვრიის მიღება ხდება ორ კვებაზე. ზოგიერთი ვერსია მოიცავს მესამე ფაზას – გერკულესის ფაფა დღეში ერთ კვებაზე.
დადებითი მხარეები
გერკულესის დიეტას შეუძლია სარგებლის მოტანა. ის მდიდარია ბოჭკოებით, რაც ხელს უწყობს საჭმლის მონელების გაუმჯობესებას და სისავსის შეგრძნებას.
ასევე, შვრია შეიცავს მაგნიუმს და სხვა მნიშვნელოვან საკვებ ნივთიერებებს – რკინა, B ვიტამინი.
დიეტის სიმარტივე და შვრიის დაბალი ფასი მას ხდის ერთ-ერთი პოპულარულ დიეტას. დამატებით, ხშირად ამ დიეტის დაცვის დროს ადამიანები სწრაფად იკლებენ წონაში.
თუმცა, მნიშვნელოვანია გვესმოდეს, რომ წონის ეს სწრაფი კლება ხშირად გამოწვეულია წყლის დაკარგვით და არა ცხიმის შემცირებით.
რისკები
ამ ყველაფრის მიუხედავად, გერკულესის დიეტას აქვს გარკვეული ნაკლოვანებები. ყველაზე აქტუალური პრობლემა არის კვების დისბალანსი. მას არ შეუძლია ორგანიზმის აუცილებელი საკვები ნივთიერებებით უზრუნველყოფა.
ეს შემზღუდავი დიეტა გამორიცხავს საკვების ბევრ ჯგუფს, რაც პოტენციურად იწვევს ცილების, ჯანსაღი ცხიმების და სხვადასხვა ვიტამინებისა და მინერალების დეფიციტს.
მიუხედავად იმისა, რომ ბოჭკო სასარგებლოა საჭმლის მონელებისთვის, დიდი რაოდენობით შვრიის მოხმარებამ შეიძლება გამოიწვიოს შებერილობა. ზოგიერთ ადამიანს ასევე შეიძლება ჰქონდეს ყაბზობა ან დიარეა დიეტური მრავალფეროვნების ნაკლებობის გამო.
გერკულესის დიეტა და წონაში კლება
მართალია გერკულესის დიეტის დაცვამ შეიძლება გამოიწვიოს წონის სწრაფი კლება, მაგრამ ეს ხდება წყლის დაკარგვის ხარჯზე.
მსგავსი შემზღუდავი დიეტის დროს, ორგანიზმი წვავს გლიკოგენის მარაგებს, რაც იწვევს წყლის დაკარგვას. ამიტომ, დაკარგული წონის აღდგენა მარტივად ხდება რეგულარულ კვებაზე გადასვლის შემდეგ.
შვრიის დიეტის გრძელვადიანი ეფექტურობა წონაში დაკლებისთვის საეჭვოა. ცხიმის შემცირება მოითხოვს გრძელვადიან, დაბალანსებულ მიდგომას კვებისა და ცხოვრების წესის ცვლილებებთან დაკავშირებით.
ამ დიეტის შემზღუდველი ბუნება ართულებს მის შენარჩუნებას დიდი ხნის განმავლობაში, რაც ხშირად იწვევს წონის აღდგენას დიეტის შეწყვეტის შემდეგ.
ნაკლოვანებების მიუხედავად, შვრიის ფაფა შესანიშნავი ვარიანტია როგორც დაბალანსებული კვების ნაწილი.
ქვემოთ მოცემულია რამდენიმე რჩევა, თუ როგორ შეიძლება გამოიყენოთ შვრიის ფაფა წონის საკონტროლებლად.
- შვრიასთან ერთად მიირთვით ცილებით მდიდარი საკვები, როგორიცაა ბერძნული იოგურტი და თხილი.
- შეავსეთ ორგანიზმი ჯანსაღი ცხიმებით და მიირთვით ერთი სუფრის კოვზი თხილის კარაქი ან ჩიას თესლი.
- შაქრის მაგივრად გამოიყენეთ ცოცხალი ან გაყინული ხილი.
- გემოების და საკვები ნივთიერებების მრავალფეროვნებისთვის, შვრიასთან ერთად მიირთვით კვერცხი, ავოკადო, ბოსტნეული.
შეჯამება
გერკულესის დიეტამ შეიძლება გამოიწვიოს წონის სწრაფი კლება, მაგრამ ეს არის მოკლევადიანი გამოსავალი. რეკომენდებულია შვრიის ჩართვა თქვენს კვების გეგმაში, რადგან ის უფრო ჯანსაღია და მოგცემთ უკეთეს შედეგს.
