კრუასანის რეცეპტი

თასში მოათავსეთ ფქვილი, მარილი, შაქარი და დაამატეთ 300 მლ ცივ წყალში გახსნილი საფუარი. მოზილეთ ცომი 10 წუთის განმავლობაში, გადააფარეთ და გააჩერეთ 2 საათით.

საცხობი პერგამენტის 2 ფურცელს შორის მოათავსეთ კარაქი და გააბრტყელეთ, დაახლოებით 20×15 სმ. ცომი გააბრტყელეთ 40×20 სმ მართკუთხედად და დაადეთ კარაქი ისე, რომ შუა მესამედი დაიფაროს.

ცომი ორი მხრიდან მოკეცეთ ისე, რომ ზუსტად ცენტრში შეიკრას და გააბრტყელეთ. შემდეგ გადაკეცეთ რამდენჯერმე ფენების მისაღებად და შეინახეთ მთელი ღამით.

მეორე დღეს კრუასანის ცომი გააბრტყელეთ დაახლოებით 60×30 სმ მართკუთხედად და კიდეები ჩამოაჭერით. გაჭერით შუაზე ისე, რომ მიიღოთ 2 გრძელი ზოლი და თითო ზოლი დაჭერით 6 ან 7 სამკუთხედად.

თითოეული სამკუთხედი ფორმის ცომი ოდნავ გაწელეთ კუთხეებიდან და შემდეგ ერთი კუთხიდან დაიწყეთ გადახვევა, რომ მიღოთ კრუასანის ფორმა. ბოლოები შემოუკეცეთ, გადაიტანეთ პერგამენტიან საცხობ ფირფიტაზე, გადააფარეთ ზეთიანი სამზარეულოს ცელოფანი და გააჩერეთ 2 საათით.

გააცხელეთ ღუმელი 200 გრადუსზე. ათქვიფეთ კვერცხი, შეურიეთ ცოტაოდენი მარილი და მოასხით თითო ნაჭერს. კრუასანი გამოაცხვეთ 15-20 წუთის განმავლობაში, სანამ არ გახდება ოქროსფერი.