პრასი ნიგვზით რეცეპტი
პრასის რეცეპტი ნიგვზით, ძალიან ჯანსაღი, არომატული და გემრიელი ფხალი, რომელიც ქართული სუფრის განსაკუთრებული წარმომადგენელია.
მომზადების წესი
1
პრასი კარგად გარეცხეთ და მოხარშეთ 20-30 წუთის განმავლობაში, მარილიან წყალში. ბოლოს გადაწურეთ და გადაიტანეთ თასში.
2
ამასობაში, ნიორი და ნიგოზი გაატარეთ ხორცსაკეპ მანქანაში, დაუმატეთ სუნელები, მწიკვი მარილი და წიწაკა.
3
შემდეგ ჩაამატეთ ძმარი, 200-240 მლ ანადუღარი ცივი წყალი და კარგად აურიეთ.
4
მოხარშული პრასი კარგად ამოავლეთ ნიგვზის მასაში და მიეცით პატარა ბურთულების ფორმა. რაოდენობა დამოკიდებულია ბურთულას ზომაზე.
5
გადაიტანეთ თეფშზე და მოაყარეთ ბროწეული მარცვლები. პრასი ნიგვზით მზადაა.
დრო1 სთ
პორცია6
კალორია320
ინგრედიენტები
- 1 კგ პრასი
- 300 გრ ნიგოზი
- 6 ს/კ ძმარი
- 6 კბილი ნიორი
- 1 ს/კ ხმელი ქინძი
- 1 ს/კ უცხო სუნელი
- 1 ს/კ ყვითელი ყვავილი
- 1 ს/კ წითელი წიწაკა
- ბროწეულის მარცვლები
- მარილი
