მოჩის რეცეპტი
ტრადიციული იაპონური მოჩის რეცეპტი, რომლის საშუალებითაც შეგიძლიათ მოამზადოთ ეს უნიკალური აზიური დესერტი. მარტივი საფეხურებით და ინგრედიენტების ჩამონათვალით.
მომზადების წესი
წითელი ლობიოს პასტა შეფუთეთ ალუმინის ფოლგაში და გასამყარებლად შედგით საყინულეში, მინიმუმ 1 საათი.
შეურიეთ წებოვანი ბრინჯის ფქვილი და მწვანე ჩაის ფხვნილი (მატჩა) მიკროტალღური ღუმელისთვის უსაფრთხო თასში. დაამატეთ წყალი, შაქარი და აურიეთ რომ მიიღოთ გლუვი მასა.
დააფარეთ პლასტმასის თავსახური და შედგით მიკროტალღურ ღუმელში, 3-4 წუთი. ამასობაში, წითელი ლობიოს პასტა გამოიღეთ მაცივრიდან და გაყავით 8 თანაბარ ბურთულად.
გამოიღეთ ბრინჯის ფქვილის ნაზავი მიკროტალღური ღუმელიდან, მოურიეთ და გააცხელეთ თავდახურული, კიდევ 15-30 წამი.
მაგიდის ზედაპირი დანამეთ სიმინდის სახამებლით, 2 ს/კ ცხელი ბრინჯის ფქვილიდან გააკეთეთ ბურთულა, გააბრტყელეთ და ცენტრში მოათავსეთ ერთი ბურთი გაყინული წითელი ლობიოს პასტა და შეკარით ცომი.
ბურთულას მოაყარეთ სიმინდის სახამებელი და მოჩი მოათავსეთ მაფინის ქაღალდში. გაიმეორეთ იგივე პროცესი სხვა ბურთულების დასამზადებლად და მიირთვით.
- 1 ჭიქა ტკბილი წითელი ლობიოს პასტა
- 1 ჭიქა წებოვანი ბრინჯის ფქვილი
- 1 ჩ/კ მწვანე ჩაის ფხვნილი
- 1 ჭიქა წყალი
- 1/4 ჭიქა თეთრი შაქარი
- 1/2 ჭიქა სიმინდის სახამებელი
