რასგულას რეცეპტი

ინდური რასგულას რეცეპტი, ვარდის სურნელით გაჟღენთილი, ტკბილი და მსუბუქი ტრადიციული დესერტი. მისი მომზადება საკმაოდ მარტივია.

დესერტები
რასგულა

მომზადების წესი

1

რძე მიიყვანეთ ადუღებამდე და ნელ-ნელა დაუმატეთ 2-3 ს/კ ძმარი და ურიეთ. შემდეგ გადმოდგით და რამდენიმე წუთით დააყოვნეთ.

2

მიღებული მასა ჩაასხით მუსლინის ქსოვილიან საცერში და გაწურეთ. ძმრის მოსაშორებლად გაავლეთ გამდინარე წყალში. ისევ გაწურეთ, შეკარით და დაკიდეთ 1 საათით.

3

ამის შემდეგ, მოათავსეთ თასში და მოურიეთ დაახლოებით 5 წუთი, ცომის მისაღებად. მთავარია, ძალიან არ გამაგრდეს და შემდეგ კი გააკეთეთ პატარა ბურთულები.

4

სიროფის მოსამზადებლად ტაფაში ჩაყარეთ შაქარი, 1 ლ წყალი, კარდამონი და ვარდის წყლის ექსტრაქტი.

5

მოათავსეთ საშუალო ცეცხლზე, მიიყვანეთ ადუღებამდე და ხარშეთ დაახლოებით 10 წუთის განმავლობაში, სანამ ნარევი არ გახდება წებოვანი.

6

მოათავსეთ ცომის ბურთულები სიროფში, დააფარეთ თავსახური და მოხარშეთ 10 წუთის განმავლობაში.

7

ბოლოს გადმოიღეთ თეფშზე, გააციეთ და მოაყარეთ ზაფრანა. დაელოდეთ, რომ რასგულა გაცივდეს და შემდეგ მიირთვით.

დრო1 სთ
პორცია15
კალორია90
ინგრედიენტები
  • 2 ლ რძე
  • 3 ს/კ ძმარი
  • ზაფრანა
  • 200 გრ შაქარი
  • 4 კარდამონი
  • 1 ს/კ ვარდის წყლის ექსტრაქტი