მჭადის რეცეპტი

სიმინდის ფქვილს მოაყარეთ მარილი (გემოვნებით), დაუმატეთ წყალი და მოზილეთ ხელით. უნდა მიიღოთ შეკრული მასა, თუმცა უნდა იყოს სველი.

მომზადების შემდეგ, ხელით გააკეთეთ ცომის ბურთულები და ხელით გააბრტყელეთ, რომ მიიღოთ ოვალური ფორმის მჭადები. სისქე დაახლოებით 2-3 სანტიმეტრი.

შემდეგ გააცხელეთ ტაფა, მოასხით ზეთი და მოათავსეთ მჭადები. თითო მხარე შეწვით 5-6 წუთის განმავლობაში და უნდა მიიღოს ოქროსფერი შეფერილობა.

მჭადი უხდება თითქმის ყველა კერძს და განსაკუთრებით გემრიელია ლობიოსთან და მწნილთან ერთად.